అయ్యో పాపం పేదోళ్ళు

ముఖ్య మంత్రి మరణానికి మూడు సంతాపాలు

అచ్చూసి పోయిన పేదోడికి పదివేల రూకలు

ఎవడెలా పోయాడొ అడగొచ్చిన వాడికి నీతి పాఠాలు

నిజం చెప్పొచ్చిన వాడినంటారు అడ్డగాడిదా!

అమ్మాయిల పై యాసిడు దాడులు

ఖండిస్తారు టీవీల పెద్దోళ్ళు

రేతిరేళ చూపుతారీ సినిమా కతలు, పగటి పూట

అడిగినోణ్ణి అంటారు అడ్డ గాడిదా!

ప్రజాస్వామ్యం గొప్పదనే పెద్దోళ్ళు వేయిస్తారు

దొంగ వోట్లు, జేబులు నింపుకుని పంచుతారు

నాలుగు రూకలు. ప్రాజాస్వామ్యంబు కాదిది

ధనస్వామ్యంబు అన్న వాణ్ణి అంటారు అడ్డగాడిదా!

ఇప్పటికియ్యి చాలాగానీ, మళ్ళా వస్తానండి!!!